Qëllimet e paketës fiskale 2006

Të garantojë ruajtjen e stabilitetit makroekonomik, konsolidimin e të ardhurave fiskale në funksion të realizimit të shpenzimeve në përputhje me prioritetet strategjike të zhvillimit të vendit.

- Të kontribuojë në reduktimin e mëtejshëm të evazionit fiskal dhe kontrabandës, duke zgjeruar bazën e tatueshme dhe eliminuar përjashtimet nga rregullat e pergjithshme.

- Të përafrojë legjislacionin dhe praktikat me ato të vendeve të rajonit dhe në përputhje me standardet e vendeve të zhvilluara, me objektiv integrimin europian dhe respektimin e rekomandimeve te institucioneve financiare ndërkombëtare që monitorojnë procesin e reformave në Shqipëri.

- Të krijojë një klimë të favorshme për një zhvillim të qëndrueshëm të biznesit vendas dhe të huaj dhe kushte lehtësuese për zhvillimin e industrisë në vend nëpërmjet uljes së tarifave doganore për një sërë produktesh dhe lëndësh të para.

- Të realizojë një mjedis më të favorshëm ligjor për biznesin vendas dhe më atraktiv për biznesin e huaj, përmes thjeshtimit dhe lehtësimit të procedurave tatimore, rritjes së mëtejshme të transparencës në vendimmarrje dhe procedurave ankimuese.


Autori i Lajmit: Dh.Alimani