2007, viti më i pasur në histori"

Asnjëherë më parë të kamurit e kësaj bote nuk e kishin zmadhuar pasurinë e tyre kaq shumë sa gjatë vitit që shkoi.

Këtë fakt e zbulon edhe më qartë lista e re e botuar së fundmi nga revista "Forbes" e miliarderëve, të cilët së bashku kapin shifrën marramendëse prej 3,5 bilionë dollarësh amerikanë. Bien në sy, përveç amerikanëve e arabëve, tashmë edhe shumë rusë e gjermanë. Por gjenden edhe spanjollë, italianë, suedezë, latinoamerikanë e indianë.

Ndërsa lista e aktiviteteve të tyre fitimprurëse është gjithashtu e gjatë. Gjithsesi, kryesojnë investimet në fushën e informacionit, ndërtimtarisë, fondeve e trojeve, pronave të patundshme, industrisë së naftës, hekurit e metaleve, dhe bizneseve si kazinotë apo transporti.

Për sa u përket emrave, lista në krye të saj nuk ka pësuar ndryshime. Kështu, sërish Bill Gates, themeluesi dhe pronari i koncernit të madh të informatikës, "Microsoft", mbetet edhe më tej njeriu më i pasur në botë, me një pasuri që tashmë kap shifrën e 56 miliardë dollarëve, sipas revistës prestigjioze amerikane "Forbes", e cila ka krijuar prej dekadash tashmë një traditë në listimin e njerëzve më të pasur në botë çdo vit për opinionin publik ndërkombëtar.

Kolegu i tij, investitori Warren Buffett, renditet direkt pas tij në vendin e dytë me një pasuri që kap shifrën e 52 miliardë dollarëve, gjithsesi e pandryshuar në krahasim me vitin që shkoi, i pasuar në vendin e tretë nga njeriu më i pasur në Amerikën Latine, meksikani Carlos Slim Helu, me 49 miliardë dollarë.

I biri i një familjeje emigrantësh libanezë është aksioneri kryesor në shoqërinë meksikane të telekomunikacioneve "Telmex", si dhe i një perandorie firmash me aktivitete të ndryshme.

Revista ekonomike "Forbes", prej dekadash bën renditjen vjetore të më të pasurve të kësaj bote, ku agjentët e redaktorët e saj ndërmarrin shumë kërkime e verifikojnë shifra e të dhëna pa fund për të qenë sa më të freskuar me informacione mbi aktivitetet e pasurinë e deklaruar të njerëzve që kapin majat e luksit, pasurisë e mirëqenies dhe që nga ana tjetër, sigurisht, përbëjnë edhe motorët e zhvillimit për shumë rajone e shtete në botë, duke punësuar ushtri të tëra njerëzish në industri e degë të ndryshme të ekonomisë, biznesit, industrisë, argëtimit, spektaklit, teknologjisë, ndërtimtarisë, transporteve, sistemit bankar e financiar etj. Të dhënat e "Forbes" vlejnë për shumë arsye si më të besueshmet ndër të gjitha vlerësimet që u bëhen pasurive të VIP-ave në mbarë botën.

Këtë vit "Forbes" numëron në rang botëror 946 miliarderë. Në vitin 2006, numri i tyre ishte 793. Ata kapin së bashku shifrën e 3,5 bilionë dollarëve (ose e konvertuar: 2,7 bilionë euro). Kjo përbën nga ana tjetër, në terma më konkretë ekonomikë, 35 për qind më shumë se niveli i vitit që shkoi, dhe dy të tretat e të gjithë miliarderëve gjatë vitit që shkoi u bënë më të pasur.

Për krahasim: GDP-ja e Gjermanisë për shembull (shuma pra e përftuar nga prodhimi i të gjitha mallrave e shërbimeve përgjatë një viti), gjatë vitit që shkoi kapte shifrën e rreth 2,3 bilionë eurove.

"Është padyshim viti më i pasur në historinë e njerëzimit", ka thënë ndërkohë Steve Forbes gjatë ceremonisë së prezantimit të shifrave e të dhënave të reja. "Kurrë më parë nuk është vënë re një rritje e tillë".

Interesant është gjithashtu fakti se 60 për qind e miliarderëve nuk e kanë trashëguar pasurinë e tyre, por e kanë krijuar me punën e veprimtarinë e tyre.

415 nga 946 miliarderët jetojnë në SHBA. Ndërkohë, një fakt tjetër interesant është dhe prania e 55 miliarderëve nga Gjermania e që jetojnë sipas revistës "Forbes" po në Gjermani. Kjo, me distancë në fakt nga vendi i parë, SHBA-ja, përbën dhe vendin e dytë në renditje për nga numri i miliarderëve në rang botëror, porse ndiqen shumë pranë nga miliarderët rusë; me 53 të tillë. E po të krahasonim shifrën e përgjithshme të pasurisë së gjermanëve me atë të rusëve, rezulton që rusët ta kenë kaluar dukshëm atë, e konkretisht raporti është 232 me 245 miliardë dollarë.

Një fakt tjetër është se miliarderi më i ri në listën e "Forbes" është një gjerman: ai është 23-vjeçari me gjak blu, Alberti i Thurn dhe Taxis. Gjatë vitit që shkoi, ndërkohë, Hind Hariri, e bija e ish-kryeministrit libanez të vrarë në një atentat para pak vitesh, Rafik Hariri, ishte ajo që e kishte zhvendosur atë nga lista një vit më parë, por tanimë ai është sërish miliarderi më i ri në listën e super të pasurve.

Për sa i përket përfaqësimit të grave në listën që duhet thënë se mbizotërohet thuajse plotësisht nga burrat, bie në sy moderatorja e Talkshow-ve të famshme, Oprah Winfrey (vendi i 664 në renditje) dhe autorja e vëllimit gjithashtu shumë të famshëm për fëmijë e adoleshentë, "Harry Potter", J.K. Rowling (vendi i 891).

Po ashtu, mund të përmendet ndër gratë më të pasura në botë edhe njëra ndër aksioneret kryesore te koncerni i automobilave BMW, Susanne Klatten (me një pasuri që vlerësohet se kap shifrën e 9,6 miliardë dollarëve) dhe Johanna Quandt (6,7 miliardë dollarë).








Bill Gates, i pari

Për sa u përket emrave, lista në krye të saj nuk ka pësuar ndryshime. Kështu, sërish Bill Gates, themeluesi dhe pronari i koncernit të madh të informatikës, "Microsoft", mbetet edhe më tej njeriu më i pasur në botë, me një pasuri që tashmë kap shifrën e 56 miliardë dollarëve


I dyti dhe i treti

Kolegu i tij, investitori Warren Buffett, renditet direkt pas tij në vendin e dytë me një pasuri që kap shifrën e 52 miliardë dollarëve, gjithsesi e pandryshuar në krahasim me vitin që shkoi, i pasuar në vendin e tretë nga njeriu më i pasur në Amerikën Latine, meksikani Carlos Slim Helu, me 49 miliardë dollarë


Si punon "Forbes"?

Revista ekonomike "Forbes" prej dekadash bën renditjen vjetore të më të pasurve të kësaj bote, ku agjentët e redaktorët e saj ndërmarrin shumë kërkime e verifikojnë shifra e të dhëna pa fund për të qenë sa më të freskuar me informacione mbi aktivitetet e pasurinë e deklaruar të njerëzve që kapin majat e luksit, pasurisë e mirëqenies dhe që nga ana tjetër përbëjnë edhe motorët e zhvillimit për shumë rajone e shtete në botë, duke punësuar ushtri të tëra njerëzish në industri e degë të ndryshme të ekonomisë, biznesit, industrisë, argëtimit, spektaklit, teknologjisë, ndërtimtarisë, transporteve, sistemit bankar e financiar etj. Të dhënat e "Forbes" vlejnë për shumë arsye, si më të besueshmet ndër të gjitha vlerësimet që u bëhen pasurive të VIP-ave në mbarë botën


2007: Shtohen miliarderët

Këtë vit "Forbes" numëron në rang botëror 946 miliarderë. Në vitin 2006, numri i tyre ishte 793. Ata kapin së bashku shifrën e 3,5 bilionë dollarëve (ose e konvertuar: 2,7 bilionë euro). Kjo përbën nga ana tjetër, në terma më konkretë ekonomikë, 35 për qind më shumë se niveli i vitit që shkoi dhe dy të tretat e të gjithë miliarderëve gjatë vitit që shkoi u bënë më të pasur


"Viti më i pasur në histori"

"Është padyshim viti më i pasur në historinë e njerëzimit", ka thënë ndërkohë Steve Forbes, gjatë ceremonisë së prezantimit të shifrave e të dhënave të reja. "Kurrë më parë nuk është vënë re një rritje e tillë"


Miliarderi më i ri

Një fakt tjetër është se miliarderi më i ri në listën e "Forbes" është një gjerman: ai është 23-vjeçari me gjak blu, Alberti i Thurn dhe Taxis


Gratë miliardere

Për sa i përket përfaqësimit të grave në listën që duhet thënë se mbizotërohet thuajse plotësisht nga burrat, bie në sy moderatorja e Talkshow-ve të famshme, Oprah Winfrey (vendi i 664 në renditje) dhe autorja e vëllimit gjithashtu shumë të famshëm për fëmijë e adoleshentë, "Harry Potter", J.K. Rowling (vendi i 891)


Ku jetojnë bosët?

415 nga 946 miliarderët jetojnë në SHBA. Ndërkohë, një fakt tjetër interesant është dhe prania e 55 miliarderëve nga Gjermania e që jetojnë sipas revistës "Forbes" po në Gjermani


Trashëgimia dhe puna

Interesant është gjithashtu fakti se 60 për qind e miliarderëve nuk e kanë trashëguar pasurinë e tyre, por e kanë krijuar me punën e veprimtarinë e tyre







Renditja e 100 më të pasurve të rruzullit për vitin 2007, sipas revistës "Forbes"


Nr.Emri Vendi Mosha Pasuria Firma/Aktiviteti

Mld. USD


1. Bill Gates USA 51 56,0 Microsoft

2. W. Buffett USA 76 52,0 B.Hathaway

3. Carlos Helu Meksikë 67 49,0 Tkomunikacion

4. Ingvar Kamprad Suedi 80 33,0 Ikea

5. Lakshmi Mittal Indi 56 32,0 Ind. Hekurit

6. Sheldon Adelson USA 73 26,5 Kazino, Hotele

7. Bernard Arnault Francë 58 26,0 LVMH

8. Amancio Ortega Spanjë 71 24,0 Zara

9. Li Ka-shing Hong-Kong 78 23,0 Investime

10.David Thomson Kanada 49 22,0 Shërbime Info

11.Lawrence Ellison USA 62 21,5 Oracle

12.Lil. Bettencourt Francë 84 20,7 L‘Oreal

13.Prin Bin Talal A.Saudite 50 20,3 Investime

14.Mukesh Ambani Indi 49 20,1 Petrokimi

15.Karl Albrecht Gjermani 87 20,0 Aldi

16.Roman Abramoviç Rusi 40 18,7 Naftë/Gaz

17.Stefan Persson Suedi 59 18,4 Hennes & Mauritz

18.Anil Ambani Indi 47 18,2 Investime

19.Paul Allen USA 54 18,0 Micros.&Invest.

20.Theo Albrecht Gjermani 84 17,5 Aldi

21.Azim Premji Indi 61 17,1 Software

22.Lee Shau Kee Hong-Kong 79 17,0 Imobiliare

23.Jim Walton USA 59 16,8 Wal-Mart

24.Christy Walton USA 52 16,7 Wal-Mart

24.S. Robson Walton USA 63 16,7 Wal-Mart

26.Sergey Brin USA 33 16,6 Google

26.Larry Page USA 34 16,6 Google

26.Alice Walton USA 57 16,6 Wal-Mart

29.Helen Walton USA 87 16,4 Wal-Mart

30.Michael Dell USA 42 15,8 Dell

31.Steven Ballmer USA 51 15,0 Microsoft

31.Kirk Kerkorian USA 89 15,0 Invest.% Kazino

31.Vëllezërit Kwok Hong-Kong 15,0 Imobiliare

34.Francois Pinault Francë 70 14,5 Biznese

35.Suleiman Kerimov Rusi 41 14,4 Aksione

36.Vladimir Lisin Rusi 50 14,3 Ind. Hekurit

37.Jack Taylor USA 84 13,9 Makina me qira

38.Vladimir Potanin Rusi 46 13,5 Indust. metali

38.Mikhail Prokhorov Rusi 41 13,5 Indust. metali

40.Oleg Deripaska Rusi 39 13,3 Alumin

40.Michael Otto Gjermani 63 13,3 Biznese

42.Carl Icahn USA 71 13,0 Investitor Finan

42.Abigail Johnson USA 45 13,0 Troje

44.Adolf Merckle Gjermani 72 12,8 Farmaceutikë

45.Barbara C. Anthony USA 83 12,6 Cox Enterprises

45.Anne Cox Chambers USA 87 12,6 Cox Enterprises

45.Mikhail Fridman Rusi 42 12,6 Naftë, Banka

48.Vagit Alekperov Rusi 56 12,4 Naftë

49.Charles Koch USA 71 12,0 Naftë etj.

49.David Koch USA 66 12,0 Naftë etj.

51.Silvio Berlusconi Itali 70 11,8 Media

52.Nasser al-Kharafi Kuvajt 63 11,5 Ndërtim

52.L. Del Vecchio Itali 71 11,5 Optikë

54.Alexei Mordashov Rusi 41 11,2 Hekur

55.Gerald Grosvenor Britani M. 55 11,0 Imobiliare

55.Spiro Latsis Greqi 60 11,0 Banka

55.Birgit Rausing Suedi 83 11,0 Ind.Ambalazhi

58.Forrest Mars Jr. USA 75 10,5 Ëmbëlsira

58.Jacqueline Mars USA 67 10,5 Ëmbëlsira

58.John Mars USA 70 10,5 Ëmbëlsira

61.Viktor Vekselberg Rusi 49 10,4 Naftë, Metale

62.Serge Dassault Francë 81 10,0 Agjenci ajrore

62.Charles Ergen USA 54 10,0 EchoStar

62.Michele Ferrero Itali 80 10,0 Çokollata

62.Naguib Sawiris Egjipt 52 10,0 T-komunikacion

62.Kushal Pal Singh Indi 75 10,0 Imobiliare

62.A.& G. Wertheimer Francë 10,0 Chanel

68.Susanne Klatten Gjermani 44 9,6 BMW, Farmac.

69.Philip Knight USA 69 9,5 Nike

69.Sunil Mittal Indi 49 9,5 T-komunikacion

71.John Kluge USA 92 9,1 Metromedia

71.V. Yevtushenkov Rusi 58 9,1 T-komunikacion

73.Rupert Murdoch USA 76 9,0 News Corp

73.Hans Rausing Suedi 81 9,0 Ambalazhe

73.Reinhold Wurth Gjermani 71 9,0 Lëndë ndërtimi

76.E. Bertarelli Zvicër 41 8,8 Biotech

76.Pierre Omidyar USA 39 8,8 Ebay

78.M.Elis.& G.Shefler Gjermani 8,7 Transporte

79.Rafael del Pino Spanjë 86 8,6 Ndërtim

80.Donald Bren USA 74 8,5 Imobiliare

80.George Kaiser USA 64 8,5 Naftë,Gaz,Banka

80.George Soros USA 76 8,5 Fonde-aksione

83.Nikolai Tsvetkov Rusi 46 8,4 Naftë, Banka

83.August von Finck Gjermani 77 8,4 Investime

85.Dan Duncan USA 74 8,2 Energji

86.M. al-Amoudi A.Saudite 61 8,0 Naftë

86.A.Aziz al-Ghurair Emr. Arabe 53 8,0 Banka

86.Kumar Birla Indi 39 8,0 Mall-përdorur

86.German Khan Rusi 45 8,0 Naftë, Banka

86.Iskander Mahmudov Rusi 43 8,0 Miniera, Metale

86.Sumner Redstone USA 83 8,0 Viacom

86.S. & Ravi Ruia Indi 8,0 Investime

93.Philip Anschutz USA 67 7,9 Investime

93.Galen Weston Kanada 66 7,9 Tregti

95.Enrique Banuelos Spanjë 41 7,7 Imobiliare

96.Stefan Quandt Gjermani 41 7,6 BMW

97.Maan al-Sanea A.Saudite 52 7,5 Ndërtim, Finan.

97.Ed Johnson III USA 76 7,5 Troje

99.Sulaiman al-Rajhi A.Saudite 87 7,4 Banka

100.Donald Newhouse USA 77 7,3 Media

100.Sam Newhouse Jr. USA 79 7,3 Media