Dhjetë fuoristradat më të pëlqyera në botë

Edhe pse teknologjia ka përparuar aq shumë, duke krijuar automjete në përmasa të vogla, duket se fuoristradat nuk kanë dalë nga shijet e shoferëve në botë. Gazeta italiane "Corriere della sera" ka listuar 10 makinat 4X4 më të pëlqyera. Në këtë listë, gjermanët përfaqësohen nga 4 modelet e tyre "Porsche Cayenne", "Volkswagen Touareg", BMW X5 si dhe "Mercedes-Benz". Në listë janë anglezët e "Range Rover"-it, japonezët me modelet "Nissan" dhe "Mitsubishi", si dhe amerikanët të cilët kanë pushtuar tregjet evropiane me automjetet të fuqive të larta. Sipas kësaj medie, madhësia e këtyre automjeteve si dhe falë ekstrave në bord i bën këta persona më të "fuqishëm" gjatë udhëtimeve.
Lista
Jo vetëm autoveturat kanë komoditet të pëlqyeshëm. Janë edhe fuoristradat ato mjete të cilat me ekstrat dhe me teknologjinë e tyre të fundit kanë bërë për vete shumë shoferë në botë. Në 10 makinat më të pëlqyera renditet "Porsche Cayenne", e cila kushton deri në 111 mijë euro së bashku me markën BMW e "Mercedes", të cilat pothuajse kanë pushtuar tregjet e huaja. Renditja nuk ka rendësi për këto automjete, pasi në të njëjtat nivele qëndrojnë edhe modelet japoneze si "Nissan Titan" dhe "Mitsubishi Montero". Janë dhe anglezët e "Range Rover"-it ata të cilët me modelet e fundit po konkurrojnë modelet e mësipërme. Ëmbëlsira për në fund. Amerikanët, si gjithmonë konkurrues në treg me kotorra të fuqive të larta, janë përfaqësuar në listë me "Cadillac Escalade" si dhe "Hummer H2".
Bilancet
Vetëm investojnë për të prodhuar modele të konkurrueshme në treg. Disa dalin me humbje e disa me fitime marramendëse. Viti i kaluar duket se ka qenë me "fat" për kompaninë e BMW si dhe të "Volkswagen". BMW për vitin 2006 regjistron rekordin e të ardhurave. Sipas drejtuesve të kësaj kompanie, të ardhurat rezultojnë në shifrën prej 49 miliardë euro ose një rritje prej 5 për qind. "Rekordi është rritur me rreth 4 miliardë edhe falë shitjes së motorit "Rolls-Royce"", thanë drejtuesit e BMW-së. Ndërkohë edhe bilanci i "Volkswagen" për vitin 2006 u mbyll me një rritje të të ardhurave me rreth 2,75 miliardë euro.

Modeli: “Porsche Cayenne Turbo”, gjermane
Çmimi: 111 mijë euro

Modeli: BMW X5, gjermane
Çmimi: 45,900 - 54,500 euro

Modeli: “Mercedes-Benz M-Class”, gjermane
Çmimi: 87 mijë euro

Modeli: “Range Rover”, angleze
Çmimi: 76,535 - 92,035 euro

Modeli: “Audi Q7”, gjermane
Çmimi: 84,000 – 98,590 euro

Modeli: “Cadillac Escalade”, amerikane
Çmimi: 50,500 – 79,000 euro

Modeli: “Volkswagen Touareg”, gjermane
Çmimi: 44,500 – 46,000 euro

Modeli: “Hummer H2”, amerikane
Çmimi: 48,742 - 52,980 euro

Modeli: “Nissan Titan”, japoneze
Çmimi: 22,010 - 25,242 euro

Modeli: “Mitsubishi Montero”, japoneze
Çmimi: 36,159 euro